ჩვენს შესახებ

“ადამიანური კაპიტალი არის ორგანიზაციის შიგნით და მასთან დაკავშირებული ადამიანების კუმულაციური ცოდნა, უნარები და შესაძლებლობები, რომლებიც ორგანიზაციის გრძელვადიანი მიზნების შესრულებაზე გავლენას ახდენენ. ასევე, კონკურენტულ უპირატესობას ანიჭებენ ორგანიზაციას მათი საქმიანობის შედეგების ოპტიმიზაციის გზით” (ISO 30414 – საერთაშორისო სტანდარტი “ადამიანური კაპიტალის ანგარიშგება”)

ტრანსფორმაცია, მათ შორის ბიზნესის,  საკუთარი შესაძლებლობების სრული გაცნობიერებით იწყება. ეს არის ღირებულებების სიღრმისეული გაანალიზება, რომელიც ხშირად გამოწვევას წარმოადგენს, მაგრამ აუცილებელია მდგრადი განვითარებისათვის. დღეს, როცა ყველა ბიზნესი ეძებს გზას კონკურენტული უპირატესობისა და ზრდისათვის, ყველაზე მნიშვნელოვანი პასუხი ნათელია – ეს არის ადამიანური კაპიტალი, რომელიც წარმოადგენს ყველა წარმატებული ორგანიზაციის ფუნდამენტურ საფუძველს.

საკონსულტაციო კომპანია EVA 2020 წელს დაარსდა, რწმენით, რომ ორგანიზაციის ყველაზე მნიშვნელოვანი აქტივი  მისი ადამიანური კაპიტალია. ჩვენი მისია არ არის უბრალო კონსულტაცია – ეს არის თქვენი ორგანიზაციის სტრატეგიული ტრანსფორმაცია ადამიანური კაპიტალის ეფექტური მართვის მეშვეობით.

როცა ადამიანური კაპიტალი სტრატეგიულად არის მართული, ორგანიზაციები აღწევენ მაღალ პროდუქტიულობას, იზრდება ინოვაციური შესაძლებლობები, იმატებს კლიენტთა კმაყოფილება და ყალიბდება მდგრადი კონკურენტული უპირატესობა. ეს არის ის ღირებულება, რომელიც პირდაპირ აისახება ფინანსურ შედეგებზე და ორგანიზაციის გრძელვადიან წარმატებაზე.

EVA წარმოადგენს რამდენიმე წამყვანი საერთაშორისო კომპანიის წარმომადგენელს საქართველოში, სომხეთში, აზერბაიჯანში, ყირგიზეთსა და ყაზახეთში და ახორციელებს პროექტებს ადგილობრივი თუ საერთაშორისო ექსპერტების ჩართულობით.